વેસ્ટર્ન ડિસ્ટર્બન્સના કારણે ઉત્તર ભારતના રાજ્યોમાં હવામાનના પલટાએ જનજીવન પર વિપરીત અસર કરી છે. મંગળવારે જમ્મુ-કાશ્મીર, હિમાચલ પ્રદેશ અને ઉત્તરખંડમાં ભારે હિમવર્ષા અને મુશળધાર વરસાદ જારી રહેતાં ફરી એકવાર કડકડતી ઠંડીએ સામ્રાજ્ય જમાવી દીધું હતું. જમ્મુ-કાશ્મીરના ઊંચાણવાળા વિસ્તારોમાં ભારે હિમવર્ષા અને વરસાદના કારણે જનજીવન ઠપ થઇ ગયું હતું. ઉત્તરાખંડમાં મુંશિયારી અને રાનીખેતમાં મંગળવારે હિમવર્ષા થઇ હતી. આ અગાઉ સોમવારે કેદારનાથમાં બે ફૂટ હિમવર્ષા નોંધાતાં ઠંડીનો પારો ગગડીને માઇનસ ૬ પર પહોંચી ગયો હતો. વધુ એક યાત્રાધામ વૈષ્ણોદેવી ખાતે મંગળવારે ભારે હિમવર્ષા થતાં હેલિકોપ્ટર અને રોપવે સેવાઓ બંધ કરી દેવાઇ હતી.
 

વેસ્ટર્ન ડિસ્ટર્બન્સના કારણે ઉત્તર ભારતના રાજ્યોમાં હવામાનના પલટાએ જનજીવન પર વિપરીત અસર કરી છે. મંગળવારે જમ્મુ-કાશ્મીર, હિમાચલ પ્રદેશ અને ઉત્તરખંડમાં ભારે હિમવર્ષા અને મુશળધાર વરસાદ જારી રહેતાં ફરી એકવાર કડકડતી ઠંડીએ સામ્રાજ્ય જમાવી દીધું હતું. જમ્મુ-કાશ્મીરના ઊંચાણવાળા વિસ્તારોમાં ભારે હિમવર્ષા અને વરસાદના કારણે જનજીવન ઠપ થઇ ગયું હતું. ઉત્તરાખંડમાં મુંશિયારી અને રાનીખેતમાં મંગળવારે હિમવર્ષા થઇ હતી. આ અગાઉ સોમવારે કેદારનાથમાં બે ફૂટ હિમવર્ષા નોંધાતાં ઠંડીનો પારો ગગડીને માઇનસ ૬ પર પહોંચી ગયો હતો. વધુ એક યાત્રાધામ વૈષ્ણોદેવી ખાતે મંગળવારે ભારે હિમવર્ષા થતાં હેલિકોપ્ટર અને રોપવે સેવાઓ બંધ કરી દેવાઇ હતી.