कल्पना-चावलायाः प्रशंसां कुर्वता ट्रम्पेनोक्तम् – सा अस्माकं देशस्य नायिका आसीत्।
अमेरिकायाः राष्ट्रपतिना ट्रम्पेण अवकाशयात्रिण्याः कल्पना-चावलायाः प्रशंसा कृता। नासा इति संस्थायाः अवकाशकार्यक्रमाणां कृते स्वजीवनं दत्तवती कल्पना अमेरिकादेशस्य नायिका प्रेरणारूपा च अस्ति। अवकाशं गतवती सा प्रथमा भारतीया महिला आसीत् इति तेनोक्तम्। तेन मे मासम् ’एशियाई अमेरिकन एन्ड पेसिफिक लिगेसी मन्थ’ इति उद्घोषयितुमपि आदेशः दत्तः।
