Editor In Chief : Dr Dhimant Purohit

દિવંગત અભિનેતા સુશાંત સિંહ રાજપૂતના ભૂતપૂર્વ મેનેજર દિશા સાલિયનના મૃત્યુ અંગે એક મહત્વપૂર્ણ સમાચાર સામે આવ્યા છે. લગભગ છ વર્ષ બાદ, CBIએ આ મામલે FIR નોંધી છે, જેનાથી એવી આશા જાગી છે કે તેમના મૃત્યુ પાછળનું સત્ય આખરે બહાર આવશે. તપાસ એજન્સીએ દિશાના પિતા સતીશ સાલિયનનું નિવેદન નોંધ્યું હતું. આ પ્રક્રિયામાં લગભગ ચાર કલાકનો સમય લાગ્યો હતો.
બોમ્બે હાઈકોર્ટના આદેશ બાદ આ FIR નોંધવામાં આવી છે, જેમાં આદિત્ય ઠાકરે (શિવસેના UBTના વડા ઉદ્ધવ ઠાકરેના પુત્ર), અભિનેતા ડીનો મોરિયા અને અભિનેતા સૂરજ પંચોલી, રોહન રોય, આદિત્ય ઠાકરેનો બોડીગાર્ડ, રિયા ચક્રવર્તી, શોવિક ચક્રવર્તી, સચિન વાઝે, પરમબીર સિંહ, ડીસીપી વિશાલ ઠાકુરના નામનો સમાવેશ થાય છે. CBI આ મામલે આ હવે આ તમામ વ્યક્તિઓની ભૂમિકાની તપાસ કરશે.