Editor In Chief : Dr Dhimant Purohit

માર્ગદર્શી ચિટ ફંડ્સના મેનેજિંગ ડિરેક્ટર (એમડી) ચેરુકુરી શૈલજા કિરણે આંધ્રપ્રદેશના શ્રી સત્ય સાંઈ જિલ્લામાં સ્થિત હિન્દુપુરમમાં કંપનીની 132મી શાખાનું ઉદ્ઘાટન કર્યું. આ નવી શાખા કંપનીના નાણાકીય ઉકેલો અને સેવાઓને વધુ પરિવારોની નજીક લાવવા તરફની દીશામાં એક મહત્વનું પગલું છે. ઉલ્લેખનીય છે કે, માર્ગદર્શીની આ પહેલા 131 શાખાઓ ખુલી ચુકી છે.
ઉદ્ઘાટન સમારોહમાં સંબોધન કરતા એમડી શૈલજા કિરણે હિન્દુપુરમ સાથેના તેમના લાંબા સમયથી જોડાયેલા હોવાનો ઉલ્લેખ કર્યો. તેમણે ભાર મૂક્યો કે, વિવિધ ઉદ્યોગોની સાથે, હિન્દુપુરમ તેના આમલી અને મરચાં માટે પ્રખ્યાત છે. તેમણે ધર્માવરમ સિલ્ક સાડીઓ અને લેપાક્ષી વીરભદ્ર સ્વામી મંદિરની ખ્યાતિનો પણ ઉલ્લેખ કર્યો. નાના વ્યવસાય માલિકો અને મધ્યમ વર્ગના પરિવારોને મદદ કરવા માટે હિન્દુપુરમમાં માર્ગદર્શી શાખાના પ્રારંભને લઈને શૈલજા કિરણે ખુશી વ્યક્ત કરી.