भारतीयनिर्वाचनायोगेन 'विशिष्ट-गहन-संशोधन-अभियान' (Special Intensive Revision - SIR) अन्तर्गतं देशस्य १२ राज्येषु केन्द्रशासित-प्रदेशेषु च निर्वाचनसूच्याः (Electoral Roll) प्रायः ५.२ कोटि अयोग्यानां मतदातॄणां नामानि निष्कासितानि। एषा सङ्ख्या कुल-मतदातॄणां १०.२ प्रतिशतम् अस्ति।

आयोगस्य कथनानुसारम् अस्मिन् अभियाने मृतानां, स्थानान्तरितानां, द्विपञ्जीकृतानां तथा च अनुपस्थितानां मतदातॄणां परीक्षणं कृतम्। अस्य मुख्यम् उद्देश्यं 'कूटमतदानस्य' सम्भावनां समाप्तं कृत्वा निर्वाचनसूचीं शुद्धां सतां च विधातुम् अस्ति।

अस्मिन् प्रक्रियायां सर्वाधिकं नामानि अंदमान-निकोबार-द्वीपसमूहात् (१६.६%), उत्तरप्रदेशात् (१३.२%) तथा च गुर्जरात् (१३.१%) निष्कासितानि। आयोगेन नामनिष्कासनेन सह २ कोटि नूतनानां मतदातॄणां नामानि अपि पञ्जीकृतानि, यत्र उत्तरप्रदेशः (९२.४ लक्षम्) प्रथमस्थाने वर्तते।