प्रतिकूल-ऋतुकारणात् अमरनाथयात्रा अनिश्चितकालाय स्थगिता

प्रतिकूलर्तोः मार्गक्षतेः च कारणात् अमरनाथयात्रा अनिश्चितकालं यावत् स्थगिता अभवत्। उत्तरकाश्मीरे बालतालमार्गः दक्षिणकाश्मीरे पहलग्राममार्गः च अतिवृष्ट्या क्षतिग्रस्तौ जातौ। यात्रिणां सुरक्षां विचिन्त्य प्रशासनेन सर्वे भक्ताः स्वगृहाणि प्रति निवर्तितुं प्रार्थिताः। नूतनपञ्जीकरणम् अपि तत्क्षणमेव स्थगितम्। अस्मिन् वर्षे ४.८० लक्षतः अधिकाः भक्ताः ३८८० मीटरोच्छ्रितायां पवित्रगुहायां बाबाबर्फानीदेवस्य दर्शनं कृतवन्तः। परम्परागतपहलग्राममार्गेण पवित्रा 'छडी मुबारक' इति पवित्रगुहां प्राप्स्यति, २८ अगस्त-दिनाङ्के च अस्याः विधिवत् समापनं भविष्यति। सेनायाः आरक्षकबलस्य च कठोरसुरक्षाप्रबन्धेन यात्रेयं सुरक्षिता अस्ति।

Editor In Chief : Dr Dhimant Purohit