'अत्र विदूषकाणां प्रदर्शनं प्रचलति, लज्जा अपि न' इति ओबामाद्वारा ट्रम्पसर्वकारे प्रहार:

अमेरिकादेशस्य पूर्वराष्ट्रपतिः बराक-ओबामा ट्रम्प-सर्वकारस्य कार्यशैल्याः तीव्रां आलोचनां कृतवान्। एकस्मिन् 'पॉडकास्ट' कार्यक्रमे सः वर्तमान-राजनीतिं 'विदूषकाणां प्रदर्शनम्' (Jokers' Show) इति वर्णितवान्। ओबामामहोदयेन खेदः व्यक्तः यत् ह्वाइट-हाउसतः यानि आपात्तिजनकानि कथनानि आगच्छन्ति, तानि अमेरिकनजनान् पीडयन्ति। स्वस्य तथा पत्न्याः मिशेल-ओबामायाः उपरि निर्मिते एकस्मिन् विकृते चलच्चित्रे ट्रम्पद्वारा क्षमा न याचिता, यत् ओबामा-महोदयस्य मतेन शिष्टाचारस्य पतनम् अस्ति। तेन उक्तं यत् सम्प्रति राजनीतिज्ञेषु लज्जा, मर्यादा, आदरः च न दृश्यते। ओबामामहोदयेन स्वपक्षस्य (डेमोक्रेट्) जनान् अपि उक्तं यत् असत्यस्य मार्गेण न गन्तव्यम्, अपितु लोकतन्त्रस्य मूल्यानां रक्षणं करणीयम्।

Editor In Chief : Dr Dhimant Purohit