ओला-उबेर इत्यादीनां असर्वकारीयटैक्सीसेवानां अस्वच्छता, अधिकं शुक्लं, यात्रानिरस्तनम् इत्यादीनां अनेकप्रश्नानां समाधानाय केन्द्रसर्वकारेण भारतटैक्सी इति सर्वकारीयकैबसेवा आरब्धा। अस्यां सेवायां चालकेन समवायाय किमपि धनं दातव्यं न भविष्यति अर्थात् सर्वमपि भाटकमूल्यं चालकस्य एव भविष्यति। एतेन यानचालका: अधिकं धनम् अर्जयितुं शक्ष्यन्ति। भारत-टैक्सी देशस्य प्रथमा सहकारी-टैक्सी-सेवा भविष्यति। इयं सेवा दिसम्बरमासात् बृहद्रूपेण आरप्स्यते, परन्तु तस्याः प्रायोगिकपरियोजना नवम्बरमासे राजधानीदिल्लीनगरे आरप्स्यते, यस्मिन् ६५० चालकाः/कारस्वामिनः सम्मिलिताः भविष्यन्ति, ६५० वाहनानि च उपलभ्यन्ते। दिसम्बरमासात् आरभ्य देशस्य शेषनगरेषु अपि एषा सेवा विस्तारिता भविष्यति, येषु प्रायः ५,००० चालकाः अस्यां सेवायां सम्मिलिताः भविष्यन्ति।