चीनदेशीय-दूरवीक्षण-यन्त्रैः पाकिस्थानदेशाय गुप्तवार्ता-प्रेषणम्; भारते महाषड्यन्त्रस्य भङ्गः

भारते पञ्चनदराज्यस्य लुधियानानगरे आरक्षकैः गूढचरवृत्तिं कुर्वन् कश्चन आपणिक: निगृहीतः। अयं जनः स्व-आपणे चीनदेश-निर्मिते द्वे दूरवीक्षण-यन्त्रे (CCTV) संस्थाप्य नगरे सैन्यप्रतिष्ठानानां मार्गाणां च प्रत्यक्षदृश्यम् (Live Feed) अन्तर्जालेन पाकिस्थानदेशस्य गुप्तचरसंस्थायै सम्प्रेषयति स्म। अस्मै राष्ट्रविरोधिने कार्याय तेन विपुलं धनं प्राप्तम्। आयुधभाण्डागारस्य समीपे स्थितस्य अस्य आपणस्य सन्दिग्ध-व्यवहारान् ज्ञात्वा गुप्तचरविभागेन आरक्षकैश्च संयुक्तरूपेण तमभियोगिनं कारागारे निक्षिप्तम्। अनेन देशसुरक्षां प्रति उद्भूतस्य महतः षड्यन्त्रस्य भङ्गः जातः।

Editor In Chief : Dr Dhimant Purohit