केन्द्रसर्वकारेण सर्वराज्येभ्य: केन्द्रशासितप्रदेशेभ्य: च 'उष्म-आघात-प्रबन्धन-घटकानाम्' (Heat Stroke Management Units) निर्माणाय आदेश: दत्त:। सर्वकारीयचिकित्सालयेषु उष्म-आघात-पीडितेभ्यः जनेभ्यः त्वरितचिकित्साव्यवस्था करणीया इति केन्द्रस्वास्थ्यमन्त्रालयेन अनुशंसितम्। यद्यपि एतादृश-निर्देशानां मध्ये गुजरातसहितं अनेकराज्यानां नागरिकाः असह्यतापेन अतीव त्रस्ताः सन्ति। स्वास्थ्यमन्त्रालयेन सूचना दत्ता यत् ग्रीष्मकाले पीडितानां चिकित्सालयं प्रति नयनाय 'रोगि-वाहकानि' (Ambulances) सज्जानि भवेयुः। अपि च, उष्म-आघात-प्रकरणानां सङ्ख्यां एकस्मिन् एव 'मञ्चे' (Common Platform) दातुं व्यवस्था करणीया। अस्मिन् वर्षे 'उष्म-तरङ्गाणां' (Heatwave) दिवसाः गतवर्षापेक्षया अधिकाः भविष्यन्ति इति आशङ्का वर्तते, अतः सावधानतायै सूचना प्रसारिता अस्ति।