"अरुणाचलप्रदेशः अस्माकम् अभिन्नः भागः, नाम-परिवर्तनेन किमपि न सिध्यति"

भारतसर्वकारेण चीनदेशाय तस्य कुत्सितप्रयासस्य कठोरं प्रत्युत्तरं दत्तं, यत्र तेन अरुणाचलप्रदेशस्य केषाञ्चन स्थानानां नामानि परिवर्तितुं प्रयत्नः कृतः। भारतीयविदेशमन्त्रालयेन आधिकारिककथने स्पष्टीकृतं यत् एतादृशाः क्रियाकलापाः भ्रामकाः निरर्थकाः च सन्ति, भारतं च एतान् पूर्णतया तिरस्करोति। मन्त्रालयानुसारं चीनदेशेन कृतं एतत् पदक्षेपं निराधारं मिथ्या च वर्तते। अरुणाचलप्रदेशः सदैव भारतस्य अभिन्नः अविभाज्यः च भागः आसीत्, अस्ति, भविष्यति च। भारतेन पुनः उद्घोषितं यत् चीनदेशस्य कल्पितनामैः अथवा असत्यप्रतिपादनै: भूमौ विद्यमाना वास्तविकता न परिवर्तते। भारतं स्वस्य सार्वभौमत्वस्य प्रादेशिक-अखण्डतायाः च रक्षणाय कटिबद्धम् अस्ति।

Editor In Chief : Dr Dhimant Purohit