उत्तराखण्डस्य चमोलीमण्डले भारतचीनसीमायां मानाग्रामस्य समीपे स्थित: देवतालसरोवर: सम्प्रति पूर्णतया हिमेन आच्छादित: अस्ति। समुद्रतलात् १८,००० पादपरिमितस्य ऊर्ध्वतायां स्थित: अयं सरोवरः अक्टोबरमासे असामान्यहिमपातस्य, तापमानस्य तीव्रक्षयस्य च कारणेन घनीभूत: अस्ति। इदं दृश्यं न केवलं प्रकृतेः चमत्कारः, अपितु हिमालयप्रदेशे जलवायुपरिवर्तनस्य संकेतान् अपि ददाति ।
अस्मिन् वर्षे पर्वतानाम् उपरि शीतलतरङ्गः एतावत् तीव्रः अस्ति यत् सामान्यतः अधिकः हिमपातः सम्पूर्णं क्षेत्रं श्वेतवर्णं कृतवान् । मानाग्रामात् किञ्चित् दूरं स्थितं देवतालसरोवरं हिन्दुपौराणिककथाभिः सह सम्बद्धम् अस्ति । महाभारतकाले पाण्डवाः इतः देवानाम् आशीर्वादं गृहीतवन्तः इति विश्वासः अस्ति, अतः अस्य नाम 'देवताल' इति ।
