देहली-नगरे स्वाइन-फ्लू-प्रकोपः; सर्वकारेण स्वास्थ्य-निर्देशाः प्रकाशिताः।

देहलीनगरे सम्प्रति स्वाइन-फ्लू (H1N1) तथा च ऋतु-ज्वरस्य रोगिणां संख्यायां महती वृद्धिः दृश्यते। अस्मिन् वर्षे सप्तसप्त्यत्यधिक-सप्तदशसहस्रं (१७७७) जनाः अनेन ज्वरेण पीडिताः अभवन्। रोगस्य प्रसारं वारयितुं देहलीसर्वकारस्य स्वास्थ्यविभागेन नागरिकाणां कृते विशेषमार्गदर्शिका प्रकाशिता। जनसम्मर्दे मुखावरणस्य (मास्क) धारणं, वारंवारं हस्तयोः प्रक्षालनं तथा च श्वास-सम्बन्धि-स्वच्छता-पालनम् अनिवार्यं वर्तते। रोगपरीक्षणाय पञ्चत्रिंशत् चिकित्सालयाः सन्नद्धाः कृताः सन्ति। चिकित्सालयेषु शय्यानाम् औषधानां च पर्याप्त-व्यवस्था वर्तते, अतः नागरिकैः भयं विहाय केवलं सावधानी रक्षणीया इति स्वास्थ्य-मन्त्रिणा निवेदितम्।

Editor In Chief : Dr Dhimant Purohit