अमेरिकादेशस्य समीपस्थे मेक्सिकोदेशे अपि Gen Z आन्दोलनस्य आरम्भः अभवत् । मेक्सिकोनगरे शनिवासरे सहस्रश: युवानः वीथिषु प्रविष्टाः। मेक्सिकोदेशे निरन्तरं वर्धमानस्य भ्रष्टाचारस्य, न्यायव्यवस्थायाः च क्षीणतायाः विरुद्धं युवानः विरोधं कुर्वन्ति। अस्मिन् समये आन्दोलनकारिणां पुलिसदलस्य च मध्ये संघर्षः अभवत्, यस्मिन् ते अपि आरक्षकेषु पाषाणप्रहारं यष्टिभिः च आक्रमणं कृतवन्तः । अस्मिन् संघर्षे १०० पुलिसकर्मचारिणः, १२० जनाः च आहताः, २० तः अधिकाः जनाः गृहीताः सन्ति । अपरं तु मेक्सिकोदेशस्य विपक्षः अस्य आन्दोलनस्य पूर्णसमर्थनं करोति। अस्य युवान्दोलनस्य प्रतीकं समुद्रलुण्ठकाणां कपालं दर्शयन् ध्वजः । मेक्सिकोदेशस्य युवानः एतेन ध्वजेन सह वीथिषु प्रविष्टाः सन्ति। मेक्सिकोदेशे उच्चस्तरीयजनानाम् हत्यायाः कारणेन यूनां मध्ये क्रोधः अपि वर्तते ।