भारतस्य पूर्व-उपराष्ट्रपतिः हामिद-अन्सारी पुनः एकवारं स्वस्य विवादास्पद-वक्तव्येन चर्चायां समागतः। तेन इतिहासविषये कथितं यत्, "महमूद-गजनवी तथा च लोदी-वंशस्य शासकाः वैदेशिका: आक्रान्तारः न आसन्, अपितु ते 'हिन्दुस्तानी-लुण्ठकाः' (Hindustani Looters) एव आसन्।" तेन कथितं यत् जनाः राजनैतिक-सुविधानुसारं वदन्ति यत् अमुकेन इदं नष्टं कृतं अन्येन च तत्….। किन्तु सत्यमिदमस्ति यत् ते सर्वे अत्रत्याः (हिन्दुस्तानी) एव आसन्, न तु बाह्य-आक्रमणकारिणः। अस्य कथनस्य विरुद्धं भारतीय-जनता-पक्षेण अत्यन्तं तीव्रा प्रतिक्रिया दर्शिता। भाजपा-प्रवक्ता शहजाद-पूनावाला अन्सारी-महोदयस्य आलोचनां कुर्वन् अवदत्, "यः हामिद-अन्सारी पूर्वं देश-विरोधिनौ शरजील-इमामं तथा उमर-खालिदं 'युवा-नेतारः' इति सम्बोधयति स्म, सः अद्य सोमनाथ-मन्दिरस्य विध्वंसकस्य गजनविनः प्रशंसां कुर्वन् अस्ति।"