भारत-उज्बेकिस्तान-देशयोः मध्ये एकादश ऐतिहासिकाः सन्धयः; पञ्च महत्यः योजनाः च उद्घोषिताः

भारतस्य प्रधानमन्त्रिणः नरेन्द्रमोदिनः उज्बेकिस्तानयात्रायाः अवसरे उभयोः राष्ट्रयोः मध्ये एकादश महत्तमाः ऐतिहासिकाः सन्धयः सम्पन्नाः। एषु सन्धिषु भारतस्य गुर्जरराज्यस्य तथा उज्बेकिस्तानस्य समरकन्दक्षेत्रस्य परस्परसहभागिता अपि सम्मिलिता वर्तते। द्वावपि देशौ स्व-सामरिक-सम्बन्धान् सुदृढं कर्तुं दृढसङ्कल्पं कृतवन्तौ। संस्कृति-आयुर्वेद-खनिजसम्पद्-पर्यटन-शिक्षा-पर्यावरण-वित्तीयादिक्षेत्रेषु परस्परं सहकार्याय सहमतिः कृता। अनेन सह उज्बेकिस्तानदेशे भारतस्य डिजिटल-धन-विनिमय-व्यवस्थायाः (UPI) प्रसारः, अरल-सागर-वनीकरणाय आर्थिक-सहायता, तथा ताशकन्द-विश्वविद्यालये संस्कृत-अध्ययन-पीठस्य स्थापना इत्यादीनां पञ्च-महत्त्वपूर्ण-योजनानाम् अपि उद्घोषणा अभवत्।

Editor In Chief : Dr Dhimant Purohit