ईरानदेशे जायमानं घोर-जनान्दोलनम्, अमेरिका-देशेन सह वर्धमानं सैन्य-सङ्घर्षं च वीक्ष्य भारतीयराजदूतावासेन स्वनागरिकेभ्यः त्वरितमेव तं देशं त्यक्तुम् अतीव गम्भीरः निर्देशः प्रसारितः। दूतावासेन स्पष्टीकृतं यत् उपलब्धविमानयानादिभिः सर्वैः भारतीयैः (विद्यार्थि-तीर्थयात्रि-वणिज्-पर्यटकैः) अविलम्बेन स्वदेशं प्रति गन्तव्यम्। दूतावासेन इदम् अपि परामृष्टं यत् नागरिकाः प्रदर्शनस्थलेभ्यः सर्वथा दूरे तिष्ठेयुः, स्थानीयवार्तासु दृष्टिं निक्षिपेयुः तथा च स्वकीयं पारपत्रं (Passport) परिचयपत्रादिकं च नित्यं सज्जं रक्षेयुः। विश्वविद्यालयेषु छात्रैः आरब्धस्य उग्रविरोधस्य कारणेन सुरक्षाबलैः सह सङ्घर्षः तीव्रो जातः अस्ति। अमेरिकादेशस्य सम्भावितसैन्याभियानस्य आशङ्कया अपि अयं परामर्शः निर्गतः। सङ्कटकाले साहाय्यार्थं दूतावासस्य 'cons.tehran@mea.gov.in' इति विद्युत्-पत्रे अथवा +९८-९१२-८१०-९११५ इत्यादि दूरभाषसङ्ख्यासु सम्पर्कः करणीयः।

ईरानदेशे जायमानं घोर-जनान्दोलनम्, अमेरिका-देशेन सह वर्धमानं सैन्य-सङ्घर्षं च वीक्ष्य भारतीयराजदूतावासेन स्वनागरिकेभ्यः त्वरितमेव तं देशं त्यक्तुम् अतीव गम्भीरः निर्देशः प्रसारितः। दूतावासेन स्पष्टीकृतं यत् उपलब्धविमानयानादिभिः सर्वैः भारतीयैः (विद्यार्थि-तीर्थयात्रि-वणिज्-पर्यटकैः) अविलम्बेन स्वदेशं प्रति गन्तव्यम्। दूतावासेन इदम् अपि परामृष्टं यत् नागरिकाः प्रदर्शनस्थलेभ्यः सर्वथा दूरे तिष्ठेयुः, स्थानीयवार्तासु दृष्टिं निक्षिपेयुः तथा च स्वकीयं पारपत्रं (Passport) परिचयपत्रादिकं च नित्यं सज्जं रक्षेयुः। विश्वविद्यालयेषु छात्रैः आरब्धस्य उग्रविरोधस्य कारणेन सुरक्षाबलैः सह सङ्घर्षः तीव्रो जातः अस्ति। अमेरिकादेशस्य सम्भावितसैन्याभियानस्य आशङ्कया अपि अयं परामर्शः निर्गतः। सङ्कटकाले साहाय्यार्थं दूतावासस्य 'cons.tehran@mea.gov.in' इति विद्युत्-पत्रे अथवा +९८-९१२-८१०-९११५ इत्यादि दूरभाषसङ्ख्यासु सम्पर्कः करणीयः।