राष्ट्रस्य सुरक्षाव्यवस्थाम् अतीव दृढीकर्तुं, पारदेशीय-आतङ्कवादं च समूलम् उन्मूलयितुं भारतसर्वकारेण सोमवासरे 'प्रहारः' (PRAHAAR) इति प्रथमा व्यापका आतङ्कविरोधिनीतिः प्रवर्तिता। अस्याः नूतननीतेः मुख्यं लक्ष्यं विश्वस्तरे सहयोगं वर्धयित्वा सीमा-पार-प्रायोजित-जिहादी-सङ्घटनानां सर्वथा विनाशः अस्ति। अद्यत्वे आतङ्कवादिनः गुप्ततन्त्रज्ञानस्य (यथा- ड्रोन्-यन्त्राणि, डार्क-वेब) दुरुपयोगं कृत्वा पञ्जाब-काश्मीर-प्रान्तेषु शस्त्रास्त्राणां मादक-द्रव्याणां च प्रसारं कुर्वन्ति। अन्ताराष्ट्रिय-सङ्घटनानां 'सी.बी.आर.एन.ई.डी.' (CBRNED) इति भयंकर-सङ्कटं निवारयितुं केन्द्रशासनेन अस्याम् अभिनवनीत्यां कठोरसैन्य-अभियानेन सह समाजपुनर्वासस्य अपि व्यवस्था दृढतया विहिता। मार्गात् च्युतानां सन्तप्तजनानां मुख्यधारायां पुनरानयनाय चिकित्सकानां, न्यायविदां, धर्मगुरूणां च साहाय्यं ग्रहीष्यते। वस्तुतः इयं नीतिः आतङ्कवादं प्रति भारतस्य 'शून्य-सहिष्णुता' (Zero Tolerance) इति दृढसङ्कल्पं यथार्थरूपेण साकारीकरिष्यति, येन राष्ट्रे शान्तिः सुस्थापिता भविष्यति।