हिमालयस्य सर्वोच्च-शिखरे स्थितस्य पवित्र-शिवधाम्न: कैलाशमानसरोवरस्य यात्रायाः कृते भक्तानां प्रमुखा सूची अधुना सज्जीकृता अस्ति। अस्मिन् वर्षे सङ्गणक-चालित-दैवपद्धत्या (Random Draw) १००० यात्रिणां चयनं निष्पक्षरूपेण कृतम्, यस्मिन् नारी-पुरुषाणां समाना सहभागिता वर्तते।

यात्रा-विवरणम् मार्गश्च:

इयं पवित्रा यात्रा आगामि-जून-मासतः अगस्त-मासं यावत् आयोजयिष्यते। एतदर्थं कुल विंशति (२०) दलानाम् गठनं कृतम् अस्ति, यत्र प्रत्येकस्मिन् दले पञ्चाशत् (५०) यात्रिणः भविष्यन्ति। भक्ताः लिपुलेख-दर्रे तथा च नाथू-ला-दर्रे इति मार्गद्वयेन गमिष्यन्ति। विदेशमन्त्रालयानुसारं मार्गद्वयम् अधुना यान-चालन-योग्यं जातम्, येन यात्रिणां पादभ्रमणस्य कष्टं न्यूनं भविष्यति। चयनित-जनाः https://kmy.gov.in इति जालपुटे स्व-स्थितिं ज्ञातुं शक्नुवन्ति। मन्त्रालयेन ०११-२३०८८२१४ इति साहाय्यक-दूरभाष-सङ्ख्या अपि प्रसारिता।