पश्चिमबङ्गालराज्य विधानसभानिर्वाचनात् पूर्वं तृणमूलकाङ्ग्रेसदलस्य प्रमुखायाः मुख्यमन्त्रिण्याः ममतायाः कृते कश्चन महान् आघातः जातः। प्रसिद्धः पूर्वटेनिसक्रीडकः लिएण्डर-पेस केन्द्रमन्त्रिणः किरणरिजिजूमहोदयस्य सुकान्तमजुमदारमहोदयस्य च उपस्थितौ 'भारतीयजनतादले' सम्मिलितः। लिएण्डरपेसद्वारा देहल्यां दलस्य मुख्यकार्यालये सदस्यत्वं स्वीकृत्य उक्तं यत्— "अद्य मम जीवनस्य महत्तमः दिवसः अस्ति।" राज्ये अस्य क्रीडकस्य अनेके प्रशंसाकाः सन्ति, अतः अस्य दलप्रवेशेन मतदातॄणां समर्थनं वर्धिष्यते इति मन्यते।





















