नीटपरीक्षायाः प्रश्नपत्र-प्रकटीकरण-विवादेन तथा च छात्राणाम् उपरि आरक्षकाणां कठिन-व्यवहारेण विपक्षः संसदि सर्वकारस्य विरोधं करोति। शिक्षा-मन्त्रिणः धर्मेंद्र-प्रधान-महोदयस्य त्यागपत्रानन्तरम् अपि विपक्षः प्रधानमन्त्रिणः नरेन्द्रमोदिमहोदयस्य क्षमापनं तथा च उत्तरदायिनां जनानां विरुद्धे कठोर-कार्यविधिं याचते। लोक सभायां विपक्षस्य नेता राहुलगान्धी गृह-मन्त्रिणे अमित-शाह-महोदयाय पत्रं लिखित्वा शान्तिपूर्णप्रतिरोधं कुर्वतां छात्राणां सुरक्षायाः दायित्वं पृष्टवान्। सोमवासरे 'सार्वजनिक-परीक्षा-संशोधन-विधेयकम्-२०२६' इति पटले स्थापयिष्यते, यत्र अस्मिन् विषये उग्रा चर्चा सम्भाव्यते। अत्र प्रश्न: उपस्थित: भवति यत् विपक्षस्य यस्मिन् राज्ये सर्वकार: अस्ति तत्र अपि एतादृश: एव प्रश्न उद्भूत: अस्ति तर्हि किं ते स्वस्य सर्वकारस्य मन्त्रिण: कृते अपि त्यागपत्रं क्षमापनं याचन्ते ? !