मध्यपूर्वे प्रचलतः अशान्ति-वातावरणस्य मध्ये विश्वं तैलसङ्कटेन युध्यते, परं भारतीयनागरिकेभ्यः अयं कश्चन 'आश्वासः' वर्तते। सर्वकारीयसूत्रैः स्पष्टीकृतं यत् होर्मुज-अखाते (Strait of Hormuz) सङ्घर्षे सत्यपि भारते इन्धनमूल्येषु (Petrol-Diesel) कोऽपि वृद्धिः न भविष्यति। अतः आपणेषु सम्मर्दस्य आवश्यकता नास्ति। देशस्य लक्षशः वाहनचालकाः चिन्तिताः आसन्, परं सर्वकारेण एषा आशङ्का निर्मूला कृता। नवीनसूचनानुसारं भारतस्य तैल-भण्डारः सुरक्षितः अस्ति, प्रतिदिनं च स्थितेः परिष्कारः जायते। केवलं मौखिक-आश्वासनं न, अपितु भारतेन स्वावलम्बनाय सामरिककौशलम् अपि प्रदर्शितम्। पूर्वं भारतं स्व-आवश्यकतायाः ६० प्रतिशतं तैलम् अन्य-मार्गेभ्यः आनयति स्म, यत् अधुना ७० प्रतिशतं सञ्जातम्। एवं प्रकारेण होर्मुज-अखातस्य सङ्कटात् भारतस्य आपूर्ति-शृङ्खला १० प्रतिशतं अधिकं सुरक्षिता वर्तते।