ईरान-सङ्कट-मध्ये भारत-अमेरिका-जापान-ऑस्ट्रेलिया-देशानां 'क्वाड' (Quad) संघटनस्य विदेशमन्त्रिणाम् उपवेशनं नवदेहल्यां सम्पन्नम्। डॉ. एस. जयशङ्करस्य अध्यक्षतायां चतुर्भिः लोकतान्त्रिकदेशैः मुक्ताय सुरक्षित-हिन्द-प्रशान्त-क्षेत्राय (Indo-Pacific) सङ्कल्पः घोषितः। सामुद्रिक-सुरक्षायै अमेरिकादेशेन नूतना 'निरीक्षण-प्रणाली' प्रारब्धा, येन चत्वारः अपि देशाः दत्तांश-विनिमयं करिष्यन्ति। चीन-देशस्य प्रभावं रोद्धुं 'फिजी'-देशे प्रथमः संयुक्त-पोताश्रय-प्रकल्पः स्वीकृतः। तथा च आधुनिक-तन्त्रज्ञानाय विद्युत्-वाहनेभ्य: च आवश्यकेषु 'दुर्लभ-खनिजेषु' (Critical Minerals) चीनस्य एकाधिकारं भक्तुं नवीनं नियमं सम्मतम्। भारतस्य विदेशमन्त्रिणा स्पष्टं प्रोक्तं यत् आतङ्कवाद-विरुद्धं क्वाड-संघटनं 'शून्य-सहनशीलता' नीतिं पालयति।