मध्यपूर्वे (Middle East) युद्धकारणात् 'होर्मुज-अखात:' अवरुद्धः जातः, येन भारतस्य तैल-आपूर्तिः बाधिता अभवत्। अस्मिन् सङ्कटकाले रशियादेशः पुनः भारतस्य परममित्ररूपेण साहाय्यार्थं सन्नद्धः अस्ति। सम्प्रति भारतीयजलक्षेत्रे ९५ लक्ष-बैरल-परिमितं रशियन-क्रूड-तैलं उपलब्धम् अस्ति, यत् शीघ्रमेव भारतं प्रति प्रेषयितुं शक्यते।

भारतं स्व-आवश्यकतायाः ५० प्रतिशतं तैलं मध्यपूर्वतः आयाययति। वर्तमानकाले भारतस्य तैलभण्डारः केवलं २५ दिनानां कृते एव पर्याप्तः अस्ति। यदि नौपरिवहने बाधा भवति, तर्हि भारतीय-शोधनागाराणाम् (Refineries) कार्यं प्रभावितं भवितुं अर्हति। अस्मिन् विषये ट्रम्पद्वारा उक्तं यत् एषः सङ्घर्षः मासतः अधिककालं यावत् प्रचलति। अतः रशियादेशस्य एषः निर्णयः भारताय महान् उपशम: अस्ति, यतः सः भारतस्य ४० प्रतिशतं आवश्यकतां पूरयितुं शक्नोति।

चित्रं - प्रतीकात्मकम्