बुधवासरे नवीदिल्लीनगरे आयोजिते संयुक्तराष्ट्रसङ्घस्य सैन्ययोगदानदातृदेशसम्मेलने भारतीयविदेशमन्त्री डॉ.एस.जयशङ्करेण संयुक्तराष्ट्रसङ्घस्य त्वरितसुधारस्य आवश्यकतायाः उपरि बलं दत्तवान् । सः स्पष्टतया अवदत् यत् अद्यतन: संयुक्तराष्ट्रसङ्घ: १९४५ तमे वर्षे यथा आसीत् तथैव कार्यं कुर्वन् अस्ति।
विकासशीलदेशानां स्वरं उत्थापयितुं विदेशमन्त्री अवदत् यत् 'संयुक्तराष्ट्रसङ्घस्य सदस्यराज्यानां संख्या ८० वर्षेषु चतुर्गुणा वर्धिता अस्ति।' अतः विकासशीलदेशानां स्वर: उत्थापनीय:, तस्य विश्वसनीयता च तस्मिन् एव निर्भरा भवति। ये संस्थाः परिवर्तनं आनेतुं असफलाः भवन्ति, तासु विश्वसनीयतायाः प्रश्न: उद्भवति। यदि संयुक्तराष्ट्रसङ्घः प्रभावी भवितुम् इच्छति तर्हि तस्य सुधारः करणीयः भविष्यति।'
