तमिळनाडुराज्ये सत्ता-च्युतस्य डी.एम.के. (DMK) दलस्य नेता उदयनिधिस्टालिन: पुनः 'सनातन-धर्म' विषये विवादास्पदं वक्तव्यं दत्तवान्। तमिळनाडुविधानसभायां विपक्षनेतृरूपेण स्वकीये प्रथमे भाषणे तेन उक्तं यत्— "सनातन-धर्मः जनान् विभजति, अतः अस्य उन्मूलनम् अनिवार्यं वर्तते।"
उदयनिधिमहोदयस्य मतेन सनातन-धर्मः जाति-आधारेण समाजे असमानतां जनयति। पूर्वम् अपि तेन सनातनधर्मस्य तुलना 'डेङ्ग्यू-मलेरिया-कोरोना' इत्यादि-रोगैः सह कृता आसीत्। अस्य प्रतिवादं कुर्वन् भाजपादलस्य प्रवक्ता शहजादपूनावाला अवदत् यत्— "सनातन-धर्मं प्रति ईदृश्याः घृणायाः कारणेन एव डी.एम.के. दलम् अधुना सत्तया विहीनं जातम्।" भाजपादलेन अस्य वक्तव्यस्य तीव्र-भर्त्सना कृता अस्ति।
