वैज्ञानिकानां भीषणः सङ्केतः – पृथिवीरक्षणाय केवलं वर्षत्रयम्

सप्तत्यधिकैः मुख्यवैज्ञानिकैः प्रख्यापिते चिन्ताजनके विवरणे स्पष्टीकृतं यत् मनुष्याणां कार्यैः विश्वस्य तापक्रमः उच्चतमं स्तरं प्राप्तवान्। पूर्वोद्योगकालात् २०२५ तमे वर्षे जगति उष्णता १.३९ अंशमिता अधिका जाता, यत्र मुख्यकारणं विविधसर्वकाराणां निर्णया: एव। वैज्ञानिकानां मतेन आगामिनि वर्षत्रये निर्धारितं 'अङ्गारक-धनम्' (carbon budget) समाप्तं भविष्यति। अनया तापवृद्ध्या पर्वतानां हिमं वेगेन विलीयते, येन समुद्रस्य जलस्तरः प्रतिवर्षं ३.८४ मिलिमीटर्-प्रमाणेन वर्धते। यदि अयं महाविनाशः न अवरुध्यते, तर्हि अनावृष्टिः, अकालवृष्टिः, प्राणहारिका आतपलहरी च संसारे सामान्या भविष्यति।

Editor In Chief : Dr Dhimant Purohit