मध्यपूर्वे प्रचलतः भीषणयुद्धस्य मध्ये ईरानदेशेन एका प्रमुखा घोषणा कृता, या भारताय महते आश्वासाय वर्तते। ईरानस्य 'इस्लामिक रिवोल्युशन गार्ड कोर्पस' (IRGC) इत्यनेन स्पष्टीकृतं यत् 'होर्मुज-अखातः' (Strait of Hormuz) केवलम् अमेरिका-इजरायल-यूरोप-सदृशाणां शत्रुपक्षीय-सहयोगि-देशानां पोतानां (Ships) कृते एव अवरुद्धः अस्ति। मित्रदेशानां कृते एषः सामुद्रिकमार्गः मुक्तः भविष्यति। भारतस्य कृते एषः समाचारः कश्चन वरदानरूपः अस्ति, यतः भारतं प्रतिदिनं प्रायः २६ लक्ष-बैरल-परिमितं मूलतैलम् (Crude Oil) अस्मादेव मार्गात् आयाययति। भारतस्य ऊर्जा-आवश्यकतायाः ५० तः ५५ प्रतिशतं भागः अस्याः एव सङ्कुचित-समुद्रधुनीतः (Strait) गच्छति। यदि एषः मार्गः अवरुद्धः अभविष्यत्, तर्हि भारतस्य अर्थतन्त्रे पेट्रोलियम-इन्धनस्य महती न्यूनता अभविष्यत्। यद्यपि ईरानेन भारतस्य नाम स्पष्टतया न गृहीतं, तथापि प्रतिबन्धित-सूचीतः भारतस्य बहिर्भावः सामरिकदृष्ट्या भारतस्य विजयः एव मन्यते। अनेन निर्णयेन भारतीय-एनर्जी-क्षेत्रे महान् उपशम: जातः।