होर्मुजप्रणाल: - भारतसहितानां मित्रराष्ट्राणां पोतानां निर्गलं गमनम्

पश्चिम-एशिया-क्षेत्रे प्रवृद्धे युद्धे ईरानदेशस्य वैदेशिकमन्त्रिणा अराघचीमहोदयेन काचन व्यूहात्मकघोषणा कृता। तेन स्पष्टीकृतं यत् 'होर्मुज-जलप्रणाल:' (Strait of Hormuz) केवलं शत्रुराष्ट्राणां कृते एव अवरुद्धा अस्ति। भारत-चीन-रूस-पाकिस्तान-सदृश-मित्र-राष्ट्राणां पोता: (Ships) अस्मात् जलमार्गात् सुरक्षितरूपेण गन्तुं शक्नुवन्ति। ईरानमन्त्रिणा विशेषतः उक्तं यत् भारतस्य पोतद्वयं सद्यः एव इतः अग्रे वर्धते। अमेरिकादेशस्य कथनं निरस्तीकृत्य तेन प्रतिपादितं यत् वाशिङ्गटन-नगरेण सह कापि औपचारिकीवार्ता न प्रचलति। ईरानदेशेन अस्य जलमार्गस्य नियन्त्रणं कृत्वा एतत् सिद्धं कृतं यत् विश्वस्य इन्धन-आपूर्तिः (Energy Supply) तस्य हस्ते एव वर्तते।

Editor In Chief : Dr Dhimant Purohit