बिहारराज्ये सुदीर्घकालं यावत् मुख्यमन्त्रिपदं अलङ्कृतवतः नीतीशकुमारस्य युगस्य (युगस्य) अन्तः आरब्धः। गुरुवासरे जनतादल-(यू)-अध्यक्षः नीतीशकुमारः राज्यसभायै स्वकीयम् नामाङ्कनपत्रं प्रुस्ततवान्। अनेन सह द्विदशकात्मकं नीतीश-युगम् समाप्तम् इति प्रतीयते।
तस्मात् पूर्वं लालूप्रसादयादवस्य युगम् अपि एवमेव समाप्तम् आसीत्। अस्मिन् अवसरे भाजपा-अध्यक्षः नीतिन-नबीनः, आर.एल.एम-प्रमुखः उपेन्द्रकुशवाहा च अपि नामाङ्कनं कृतवन्तः। एवं प्रकारेण एकस्मिन् एव दिने त्रयः पक्षप्रमुखाः नामाङ्कनं कृत्वा नूतनं कीर्तिमानं स्थापितवन्तः।
नीतीशकुमारः २००५ वर्षतः शासनं कृतवान्, सः दशवारं मुख्यमन्त्रिपदस्य शपथम् अगृह्णात्। सः अकथयत् यत् - "मम प्रस्थानानन्तरं निर्मिताय नूतनसर्वकाराय मम पूर्णं सहयोगं मार्गदर्शनं च भविष्यति।" नीतीशकुमारस्य राज्यसभागमन-घोषणानन्तरं क्षुब्धाः जनतादल-(यू)-कार्यकर्तारः पटनानगरे कार्यालयाद्बहिः प्रदेशाध्यक्षम् उमेशकुशवाहां रुद्धवन्तः, तस्य पैतृकग्रामे 'कल्याण-बिगाहा' इत्यत्रापि जनाः 'वयं नीतीशस्य मुखं दृष्ट्वैव मतं दत्तवन्तः' इति कथयन्तः तीव्रं रोषं प्रकटितवन्तः।
