छात्रावासे सर्पदंशेन तिसॄणां बालिकानां मरणम्

महाराष्ट्रस्य गढचिरोलीमण्डलस्य धनोरातालुकायाः जपतलाइग्रामे एकस्मिन् आदिवासि-छात्रावासे भूमौ सुप्ताः तिस्रः बालिकाः सर्पदंशेन मृताः, अन्याः तिस्रश्च गम्भीरावस्थायां चिकित्सालये सन्ति। मण्डलप्रशासनेन ज्ञापितं यत् मध्यरात्रे कश्चन विषधरः सर्पः सुप्ताः बालिकाः अदशत्। मृतासु बालिकासु अष्टवर्षीया, द्वादशवर्षीया, चतुर्दशवर्षीया च अन्तर्भवन्ति। मण्डलाधिकारी अविश्यन्तपाण्डामहोदयः दुःखं प्रकटय्य उच्चस्तरीयपरीक्षणस्य आदेशं दत्तवान्। चिकित्सालये उपचर्यमाणाभ्यः बालिकाभ्यः सर्पविषहरौषधं दीयते। यदि संस्थायाः कश्चन प्रमादः सिद्ध्येत्, तर्हि दोषिणां विरुद्धं नियमानुसारं कठोरं दण्डविधानं भविष्यति।

Editor In Chief : Dr Dhimant Purohit