पश्चिमबङ्गालराज्ये भारतीयजनतादलस्य प्रचण्डविजयानन्तरं नवीनशासनस्य रचनाप्रक्रिया तीव्रतरा अद्य अभवत्। केन्द्रीय-गृहमन्री अमित-शाह-महोदयः केन्द्रीय-निरीक्षक-रूपेण कोलकत्ता-नगरं सम्प्राप्तः, यत्र सः भाजपा-दलस्य २०६ विधायकानां (MLAs) सभायाः अध्यक्षतां करिष्यति। सूत्रानुसारम्, राज्यस्य आगामिमुख्यमन्त्रिरूपेण शुभेन्दु-अधिकारिण: नाम प्रायः निश्चितं मन्यते। शुभेन्दुमहोदयेन अस्मिन् निर्वाचने द्वौ महान्तौ विजयौ सम्पादितौ— सः स्वकीयं नन्दीग्राम-आसनं सुरक्षितं अकरोत् तथा च मुख्यमन्त्रिण्याः ममताबैनर्जीमहोदयायाः 'दुर्ग' रूपे प्रसिद्धे भवानीपुर-आसनं अपि जितवान्। शासननिर्माणे मुख्यमन्त्रिणा सह द्वौ उप-मुख्यमन्त्रिणौ अपि शपथं ग्रहीतुम् अर्हतः।

मन्त्रिमण्डले दिलीपघोषः, अग्निमित्रापॉल, निशीथप्रमाणिकः, रूपागाङ्गुली, स्वपनदासगुप्तः, शङ्करघोषः, तापसरायः, अशोकडिण्डा तथा च डॉ. राजेशकुमारः इत्यादय: गण्यमान्याः नेतारः सम्मिलिताः भवितुं शक्नुवन्ति। अयं सत्तापरिवर्तनं पश्चिमबङ्गालराज्यस्य इतिहासे अतीव युगपरिवर्तनकारी मन्यते।