अन्तरिक्षात् गृहीतेन उपग्रह-चित्रेण (Satellite imagery) समग्र-एशिया-खण्डस्य ऋतुवैज्ञानिकाः विस्मिताः अभवन्। उत्तरभारततः आरभ्य हिमालयं, चीनदेशं च व्याप्य साक्षात् दक्षिणकोरियादेशं यावत् १०,०००किलोमीटर-परिमिता मेघानाम् एका विशाला पट्टिका (दीर्घश्रेणी) दृष्टा। एषा घटना वर्षस्य २०२६ तमस्य दक्षिण-पश्चिम-वर्षाऋतुवायोः अतिसक्रियतां दर्शयति। एतया प्रणाल्या भारतस्य जलपूर्तेः कृषि-क्षेत्रस्य च महत् आश्वासनं भविष्यति, यतः गतेषु द्वयोः दिनयोः सामान्यवृष्टेः १८०% अधिका वर्षा अभवत्। परन्तु अपरपक्षे हिमाचल-उत्तराखण्ड सदृशेषु पर्वतीयराज्येषु भूस्खलनस्य आकस्मिकपूरस्य (Flash flood) च महद् भयं समुत्पन्नम्। अस्याः अयुत-किलोमीटर-परिमितायाः मेघश्रेण्याः स्पष्टं भवति यत् सम्पूर्णस्य एशिया-महाद्वीपस्य वातावरणं परस्परं सम्बद्धम् अस्ति। ऋतुविज्ञानविभागानुसारम् एषा ऋतुप्रणाली सप्ताहं यावत् सक्रिया स्थास्यति।
Photo Credit windy.com