उज्जयिनीस्थमहर्षिपाणिनि संस्कृतवैदिकविश्वविद्यालये विश्वविद्यालयस्य प्रशासनिकस्य भवनस्य अन्नपूर्णासभागारे
अशैक्षणिककर्मयोगिबन्धूनां कृते प्रशासनिकगुणवत्तायां दक्षतां आनेतुं प्रशिक्षणकार्यक्रमस्य आयोजनं कृतम्। कुलपते: आचार्यविजयकुमार सीजीवर्यस्य अध्यक्षतायाम् एवञ्च कुलसचिवस्य डॉ.दिलीपसोनी महोदयस्य मार्गदर्शने प्रशिक्षणमिदं अभूत्। बेंगलुरुत: आगता संस्कृतस्य आधुनिकी विद्याया: च विदुषी आचार्या शिवानी वी. महोदया प्रशिक्षणं प्रदत्तवती। कार्यक्रमस्य प्रस्तावना डॉ. शुभम्शर्ममहोदय: ज्योतिर्विज्ञानविभागाध्यक्ष:
प्रस्तुतवान्। आचार्या शिवानी महोदया प्रशिक्षणं यच्छन् उक्तवती यत् प्रशासनिकविभाग: संस्थाया: महत्त्वपूर्णविभाग: भवति प्रशासनिकानि कार्याणि यदा दक्षतया सह क्रियन्ते तदा गुणवत्तायां संवर्धनं स्वाभाविकं भवति। महोदयया क्रमशः स्थापनाविभाग;, वित्तम्, ग्रंथालय: ,परीक्षा, प्रवेश: , शोधम् , निर्माणम्, इत्यादिनां विभागानां कुशलतापूर्वकं संचालनार्थं प्रभाविप्रशिक्षणं दत्तवती। अस्मिन् अवसरे विश्वविद्यालयस्य वित्ताधिकारी श्रीदिनेशचौरसियामहोदय: अपि कार्यक्रमं संबोधितवान्। कार्यक्रमस्य संचालनं श्रीमहेंद्र-उपाध्यायमहोदयेन आभारप्रदर्शनञ्च डॉ.उपेंद्रभार्गव महोदयेन कृतम्।
वार्ताहर: - डॉ.दिनेश चौबे,उज्जयिनी
