पाकिस्तानदेशे सप्ताहे द्वितीयवारं सेनायाः उपरि आक्रमणं जातम्, तस्मिन् ६ सैनिकाः मृताः। बुधवासरे अपराह्णे बलूचिस्तानस्य झोब् क्षेत्रे सेनास्थात्रे आक्रमणमिदम् अभवत्। पञ्च सैनिकाः गम्भीररूपेण घातिताः सन्ति। ते विमानयानेन पेशावरसैन्यचिकित्सालये प्रेषिताः सन्ति।
पाकिस्तानसैन्यस्य प्रसारमाध्यमविभागेन आक्रमणस्य पुष्टिः कृता अस्ति। एतत् पूर्वं ७ फरवरी दिनाङ्के बलूचिस्तानदेशे पाकिस्तानसैनिकानाम् उपरि आक्रमणम् जातमासीत्। अस्मिन् एकः अधिकारी चत्वार: च सैनिकाः मारिताः।
