संस्कृतभाषायाः महान् विद्वान् पद्मश्री डाह्याभाई शास्त्री ९७ तमे वर्षे नदियादनगरे स्वर्गं गतः। अन्तिमदर्शनार्थं ब्रह्मर्षिसंस्कारधाम्नि तस्य मर्त्यशरीरं स्थापितम् आसीत्। अद्य तस्य अन्त्येष्टिः अभवत्। ज्ञातव्यं यत्, सः आजीवनं संस्कृतभाषायाः, शिक्षायाः च प्रसाराय कार्यं कृतवान्। महेसाणाजनपदस्य विजापुरस्थानस्य वसईडाभला इति ग्रामे १९२६ तमे वर्षे फरवरीमासस्य २६तमे दिनाङ्के ब्राह्मणपरिवारे तस्य जन्म अभवत्। स: अहमदाबादनगरे वारणस्यां च अभ्यासं कृतवान् आसीत्। स: वैयाकरण: साहित्याचार्य: हिन्दीविषारद: चासीत्। बालकेषु संस्कृते: ज्ञानाय रक्षणाय च संस्कृतभाषाज्ञानप्रदानस्य कार्यं स: आजीवनं कृतवान्। संस्कृतपाठशालाया: आचार्यरूपेण स: कार्यं कृतवान् आसीत्। निवृत्त्यनन्तरं महोदय: स्वस्वप्नं साकारीकर्तुं नडियादनगरे ब्रह्मर्षिसंस्कारधाम्न: स्थापनां कृत्वा मार्गदर्शनम् अयच्छत्। अस्मिन् परिसरे एव तस्य मार्गदर्शनेन संस्कृतमहाविद्यालय:, गोशाला, वेदविद्याभवनं, आङ्ग्लविद्याभवनं, योगकेन्द्रं च चलति यत्र नैके छात्रा: पठन्त: सन्ति।