ઉત્તર પ્રદેશની વારાણસીની લોકસભા સીટ આજકાલ હોટ સ્પોટ બની ગઈ છે. અહીં ભાજપનાં મજબૂત ઉમેદવાર તરીકે પીએમ મોદી ચૂંટણી લડી રહ્યા છે. કોંગ્રેસ તેમની સામે પ્રિયંકા ગાંધીને મેદાનમાં ઉતારશે તેવી અટકળો ઘણા સમયથી ચાલી રહી હતી. જો કે ગુરૂવારે આ સસ્પેન્સનો અંત આવ્યો હતો. કોંગ્રેસે પ્રિયંકાને બદલે મોદી સામે અજય રાયને ફરી ટિકિટ આપતા તમામ અટકળોનો અંત આવ્યો હતો. થોડા સમય પહેલાં પ્રિયંકા ગાંધીએ પણ વાતવાતમાં મોદી સામે લડવાનાં સંકેતો આપ્યા હતા અને કહ્યું હતું કે જો કોંગ્રેસ પ્રમુખ રાહુલ ગાંધી કહેશે તો તેઓ મોદી સામે લડવા તૈયાર છે. પણ મોદી સામે ૨૦૧૪નાં ઉમેદવાર અજય રાયને ઉતારીને કોંગ્રેસે તમામ અટકળો પર પૂર્ણ વિરામ મૂકી દીધું છે. વારાણસીમાં ચૂંટણીનાં છેલ્લા તબક્કામાં ૧૯મી મેનાં રોજ મતદાન થવાનું છે. અહીં ભાજપનાં ઉમેદવાર તરીકે પીએમ મોદી, કોંગ્રેસનાં અજય રાય અને સપા-બસપાનાં શાલિની યાદવ વચ્ચે ત્રિકોણિય જંગ ખેલાવાનો છે.

ઉત્તર પ્રદેશની વારાણસીની લોકસભા સીટ આજકાલ હોટ સ્પોટ બની ગઈ છે. અહીં ભાજપનાં મજબૂત ઉમેદવાર તરીકે પીએમ મોદી ચૂંટણી લડી રહ્યા છે. કોંગ્રેસ તેમની સામે પ્રિયંકા ગાંધીને મેદાનમાં ઉતારશે તેવી અટકળો ઘણા સમયથી ચાલી રહી હતી. જો કે ગુરૂવારે આ સસ્પેન્સનો અંત આવ્યો હતો. કોંગ્રેસે પ્રિયંકાને બદલે મોદી સામે અજય રાયને ફરી ટિકિટ આપતા તમામ અટકળોનો અંત આવ્યો હતો. થોડા સમય પહેલાં પ્રિયંકા ગાંધીએ પણ વાતવાતમાં મોદી સામે લડવાનાં સંકેતો આપ્યા હતા અને કહ્યું હતું કે જો કોંગ્રેસ પ્રમુખ રાહુલ ગાંધી કહેશે તો તેઓ મોદી સામે લડવા તૈયાર છે. પણ મોદી સામે ૨૦૧૪નાં ઉમેદવાર અજય રાયને ઉતારીને કોંગ્રેસે તમામ અટકળો પર પૂર્ણ વિરામ મૂકી દીધું છે. વારાણસીમાં ચૂંટણીનાં છેલ્લા તબક્કામાં ૧૯મી મેનાં રોજ મતદાન થવાનું છે. અહીં ભાજપનાં ઉમેદવાર તરીકે પીએમ મોદી, કોંગ્રેસનાં અજય રાય અને સપા-બસપાનાં શાલિની યાદવ વચ્ચે ત્રિકોણિય જંગ ખેલાવાનો છે.