દેશમાં ઓક્ટોબર માટેનો કન્ઝયુમર પ્રાઇસ ઇન્ફ્લેશન (સીપીઆઈ) પર આધારિત રિટેલ ફુગાવો ૭.૬૧ ટકા પર પહોંચ્યો છે જે સપ્ટેમ્બરમાં ૭.૨૭ ટકા હતો. નેશનલ સ્ટેટિસ્ટિક્સ કચેરીએ ગુરુવારે આંકડા જાહેર કર્યા હતા. બજારમાં આ ફુગાવો ૭.૩૦ પર રહેવાની અપેક્ષા રાખવામાં આવતી હતી. મે ૨૦૧૪ પછીનો આ સૌથી ઊંચો દર છે. ખાદ્ય ચીજવસ્તુઓની છૂટક કિંમતમાં તીવ્ર વધારાની સીધી અસરરૂપે આ વધારો આવ્યો છે. તહેવારોની સિઝન હોવાના કારણે ખાદ્ય ચીજવસ્તુઓની કિંમતમાં વધારો થયો છે. નોંધનીય છે કે કેન્દ્ર સરકારે રિઝર્વ બેન્ક ઓફ ઈન્ડિયાને રિટેલ ફુગાવાને ૨-૬ ટકાની રેન્જમાં જાળવી રાખવા માટેની કામગીરી સોંપી છે પરંતુ સતત સાત મહિનાથી રિટેલ ફુગાવો આરબીઆઈના નિયંત્રણમાં આવતો નથી.
 

દેશમાં ઓક્ટોબર માટેનો કન્ઝયુમર પ્રાઇસ ઇન્ફ્લેશન (સીપીઆઈ) પર આધારિત રિટેલ ફુગાવો ૭.૬૧ ટકા પર પહોંચ્યો છે જે સપ્ટેમ્બરમાં ૭.૨૭ ટકા હતો. નેશનલ સ્ટેટિસ્ટિક્સ કચેરીએ ગુરુવારે આંકડા જાહેર કર્યા હતા. બજારમાં આ ફુગાવો ૭.૩૦ પર રહેવાની અપેક્ષા રાખવામાં આવતી હતી. મે ૨૦૧૪ પછીનો આ સૌથી ઊંચો દર છે. ખાદ્ય ચીજવસ્તુઓની છૂટક કિંમતમાં તીવ્ર વધારાની સીધી અસરરૂપે આ વધારો આવ્યો છે. તહેવારોની સિઝન હોવાના કારણે ખાદ્ય ચીજવસ્તુઓની કિંમતમાં વધારો થયો છે. નોંધનીય છે કે કેન્દ્ર સરકારે રિઝર્વ બેન્ક ઓફ ઈન્ડિયાને રિટેલ ફુગાવાને ૨-૬ ટકાની રેન્જમાં જાળવી રાખવા માટેની કામગીરી સોંપી છે પરંતુ સતત સાત મહિનાથી રિટેલ ફુગાવો આરબીઆઈના નિયંત્રણમાં આવતો નથી.