खालिस्तान-आतङ्कवादिन: हरदीपसिंहनिज्जारस्य मृत्युविषये भारतकेनेडादेशयोः सम्बन्धे ह्रास: वर्धमानः अस्ति। केनेडादेशे स्थितेन भारतस्य प्रवेशानुमतिकेन्द्रेण गुरुवासरे केनेडादेशवासिनां कृते प्रवेशानुमतिसेवा स्थगिता।
भारतीयविदेशमन्त्रालयस्य प्रवक्ता अरंदिम बागची गुरुवासरे पत्रकारसम्मेलने अवदत् यत् केनेडादेशे अस्माकं कूटनीतिगण: भर्त्स्नां प्राप्नुवन्ति। ते स्वकार्यं कर्तुं असमर्थाः। एतदेव कारणं यत् प्रवेशानुमतिसेवा स्थगिता अस्ति।
