नवदेहलीस्थकेन्द्रीयसंस्कृतविश्वविद्यालयस्य तत्वावधाने काश्याम् अखिलभारतस्तरीया शास्त्रीयप्रतियोगिता आयोजिता आसीत्।  प्रतियोगितायाम् अस्याम् उज्जयिनीस्थस्य महर्षिपाणिनिसंस्कृतवैदिकविश्वविद्यालयस्य न्यायदर्शनविभागस्य छात्रेण उद्धवपौराणिकेन न्यायभाषणप्रतियोगितायां गदाधरीयपञ्चलक्षणायां “द्वितीयलक्षणे साध्यभावादिकर्णत्वं केन सम्बन्धेन” इत्यस्मिन् विषये द्वितीयस्थानं रजतपदकं च प्राप्तम्। अस्यां प्रतियोगितायां आभारतात् नाना संस्थाभ्य: समागता: छात्रा: भागं स्वीकृतवन्तः। प्रदेशस्तरे चिताः छात्रा: एव अत्र भागं स्वीकतुं शक्नुवन्ति।अस्मिन् अवसरे  विश्वविद्यालयस्य मान्य: कुलपति: आचार्यविजयकुमारसीजीवर्य: उपस्थित: आसीत्। तेनोक्तं  यत् विश्वविद्यालयस्य छात्राणां प्रदर्शनं उत्तमम् आसीत्| छात्रा: सर्वत्र सर्वविधासु प्रतियोगितासु स्वप्रातिभां प्रदर्शयन्ति पदकानि च अर्जयन्ति। कुलपतिवर्येण छात्राणाम् आचार्याणाञ्च  अभिनंदनं  कृतम्।  अवसरेऽस्मिन् संस्कृतविश्वविद्यालयस्य कुलपतय: , विद्वांसः, आचार्या:, छात्रा:, अन्यजनाश्च  उपस्थिता: आसन्।