उत्तरशाखायाः सेनाध्यक्ष: उपेन्द्रद्विवेदी अकथयत् यत् पाकिस्तान-अधिकृत-काश्मीरप्रदेशे 160 आतङ्किनः भारते प्रवेष्टुं प्रयत्नरताः सन्ति। वयं भारतीयसैनिकाः प्रतिकाराय सिद्धाः एव स्मः, केवलं सर्वकारस्य आदेशस्य प्रतीक्षा अस्ति। भारतीयसेना सर्वकारस्य प्रत्येकम् आदेशाय सिद्धा अस्ति। एतत् सुविदितमस्ति यत् तृतीये दिनाङ्के हिमाचलप्रदेशे रक्षामन्त्रिणः राजनाथस्य सभायां जनैः पी.ओ.के प्राप्तुं निवेदितम् अपि आसीत्। सेनायाः कठोरयोजनाकारणात् क्रोधिनः आतङ्किनः अद्यत्वे निर्दोषान् जनान् पीडयन्ति मारयन्ति च। सिम्नि आतङ्किनः ड्रग्स्-द्रव्याणां विक्रयणमपि कुर्वन्ति।
