थाईलैण्ड्देशे तृतीया विश्वहिन्दुसंसद् जायमाना अस्ति। थाईलैण्ड्देशस्य प्रधानमन्त्री श्रेथा थाविसिन् इत्यनेन उक्तं यत् विश्वे केवलं हिन्दुजीवनमूल्यानां माध्यमेन एव शान्तिः स्थापिता भविष्यति। सङ्घर्षं कुर्वता विश्वेन अहिंसा-सत्य-सहिष्णुता-सौहार्दयुक्तानां हिन्दु-मूल्यानां प्रेरणा ग्रहीतव्या, ततः एव शान्तिः जगति शक्यते।
कार्यक्रमेऽस्मिन् विश्वहिन्दूपरिषद: महासचिव: मिलिंद परांडे, राष्ट्रियस्वयंसेवकसंघस्य सरसंघचालक: मोहनरावभागवत:, भारतसेवाश्रमसंघस्य स्वामी पूर्णानंद इत्यादिभि: सह २२०० तः अधिकाः प्रतिनिधय: भागं गृहीतवन्त: सन्ति यै: शिक्षा-अर्थशास्त्रादिक्षेत्रेषु ये विलक्षणाः उपलब्धयः प्राप्ता: सन्ति।
राष्ट्रीयस्वयमसेवकसंघस्य प्रमुखः मोहनभागवतः उद्घाटनसत्रे अवदत् यत् भौतिकवादस्य, साम्यवादस्य, पूंजीवादस्य च प्रयोगानामनन्तरं अस्थिरं विश्वं भारतम् एव सुखस्य सन्तुष्टेः च मार्गं दर्शयिष्यति। विश्वस्य सर्वान् विचारकान्, कार्यकर्तॄन्, नेतॄन्, उद्यमिनः च सम्बोधयन् सः अवदत् यत्, "अस्माभिः प्रत्येकं हिन्दुपर्यन्तं सम्पर्क: स्थापनीय: भविष्यति। विश्वेन विशेषतः कोविद रोगानन्तरं सर्वसम्मत्या स्वीकृतमस्ति यत् भारतं सुखस्य सन्तुष्टेः च मार्गं दर्शयिष्यति इति”।
