मुम्बईनगरे प्रचण्डवृष्टिः, भूमिगतमेट्रोस्थानकं जलप्लावितम्, स्थानीयरेलयानानि अपि प्रभावितानि।

सोमवासरस्य प्रातःकालादेव मुम्बईनगरे प्रचण्डवृष्टिः जायमाना अस्ति। सद्यः एव उद्घाटितं वर्ली-भूमिगतमेट्रोस्थानकं जलप्लावितम् अभवत्। अत्र सघनमेघानां कारणेन दृश्यता न्यूना जाता अस्ति। अस्य कारणात् ८ विमानयानानि प्रभावितानि सन्ति। एतेन सह वायुवेग: ७० तः ८० कि.मी पर्यन्तमस्ति यस्मात् कारणात् अनेकेषु क्षेत्रेषु वृक्षाः पतिताः सन्ति। पुणे-सोलापुरराजमार्गे पाटसक्षेत्रे मेघविस्फोटस्य कारणात् पुणे-नगरस्य बारामती-इण्डापुरे च जलाप्लावसदृशी स्थितिः उत्पन्ना। दक्षिणगुजराते अपि चक्रवातस्य अनुमानं क्रियते। देशस्य अन्यभागेषु अपि विभागद्वारा मध्यमत: अतिवृष्टे: सम्भावना प्रदर्शिता अस्ति।

Editor In Chief : Dr Dhimant Purohit