मोदीसर्वकारस्य विरुद्धं विपक्षदलैः आनितः अविश्वासप्रस्तावः गुरुवासरे अर्थात् १० अगस्तदिनाङ्के पतितः। अन्ततः प्रधानमन्त्री नरेन्द्रमोदी अविश्वासप्रस्तावस्य उत्तरं दत्तवान्। मोदी २ घण्टा १२ निमेषान् यावत् भाषणं कृतवान्, यस्मिन् सः १ घण्टा ५२ निमेषाणाम् अनन्तरं मणिपुरविषये अवदत्। यदा प्रधानमन्त्री मणिपुरविषये स्वकथनम् आरब्धवान् तदा विपक्षः पूर्वमेव सदनात् बहिः गतः आसीत् ।
प्रधानमन्त्रिण: उद्बोधनस्य मुख्यांशा: -
- एषा सर्वकारस्य तलपरीक्षा न, अपितु विपक्षस्य
- विरोधस्य अविश्वासः अस्माकं कृते हितकरः अस्ति
- राजनीति प्राथमिकता भवतां कृते
- यूयं सिद्धतां कृत्वा न आगताः
- अयं समयः देशस्य कृते अतीव महत्त्वपूर्णः अस्ति
- अविश्वासप्रस्तावस्य आच्छादने जनविश्वास: भग्न:
- भारतस्य उपलब्धिषु विपक्षस्य अविश्वासः
- येषां अवहेलना कृता तेषां उन्नति: जाता
- यदि तृतीयवारं सर्वकारस्य निर्माणं भवति तर्हि वयं विश्वस्य तृतीया अर्थव्यवस्था भविष्यामः।
- अनेकेषु स्थानेषु काङ्ग्रेसस्य विजयाय वर्षाणि यावत् समयः अभवत् अर्थात् काङ्ग्रेसस्य अविश्वासः
- काङ्ग्रेस-सदस्याः गान्धिनः नाम अपि अपहृतवन्तः
- परिवारसदस्यं विहाय प्रधानमन्त्री स्वीकार्यः नास्ति
- मणिपुरे पुनः शान्तिसूर्य: भविष्यति
- काङ्ग्रेसेन मिजोरमराज्ये पञ्जाबप्रदेशे च आक्रमणं कृतम्
- मणिपुरसमस्यायाः पृष्ठतः केवलं काङ्ग्रेसराजनीतिः
- २०२८ तमे वर्षे सज्जीभूय आगच्छन्तु
- मणिपुरराज्यस्य उपयोग: राजनीतये मा कुरु
