महाराष्ट्रस्य नाशिकमण्डले अनेकस्थानेषु कृषकैः पलाण्डुनिर्याते ४० प्रतिशतं शुल्कस्य विरोधस्य समये एतत् वक्तव्यं प्राप्तम्। व्यापारिणः अपि शुल्कस्य विरोधं कुर्वन्ति।
सोमवासरे सर्वकारेण उक्तं यत् पलाण्डो: उपरि ४० प्रतिशतं निर्यातशुल्कं आरोपयितुं निर्णयः अकाले न अपितु समये स्वीकृत: इति। आन्तरिक-आपूर्ति-वर्धनाय, खण्डविक्रयमूल्यानां नियन्त्रणाय च एतत् पदं समीचीनसमये गृहीतम् इति सर्वकारस्य पक्षतः उक्तम्।
