उज्जयिन्यां संस्कृतविश्वविद्यालये संस्कृतविदुषां सङ्गोष्ठी सुसम्पन्ना।

उज्जयिनीनगरस्थे महर्षिपाणिनिसंस्कृतवैदिकविश्वविद्यालये संस्कृतशिक्षण-प्रशिक्षणज्ञानविज्ञानसंवर्धन-केन्द्रस्य तत्वावधाने कुलपते: आचार्यविजयकुमारसीजीवर्यस्य परिकल्पनया संस्कृतसंवर्धनाय शास्त्रसंरक्षणाय च उच्चशिक्षाविभागे कार्यरतानां स्थानीयसंस्कृतविदुषां एका संगोष्ठी आयोजिता। नवीनशिक्षानीति:, संस्कृतसंवर्धनं, नवाचार:, समस्यापरिहाराश्च इत्येतेषु विषयेषु संगोष्ठ्यामस्यां चर्चा जाता। अस्मिन्नवसरे उज्जयिनीमण्डलस्य महाविद्यालयस्य विश्वविश्वविद्यालयस्य च प्राध्यापकाः समुपस्थिताः आसन्। कार्यक्रमस्य संयोजनं डॉ. दिनेशचौबेमहोदयेन कृतम्। अस्यां विचारसङ्गोष्ठ्यां पाठ्यक्रमाणां सरलीकरणं, नवीन पाठ्यक्रमाणानां निर्माणं, संस्कृतक्षेत्रे उद्योगावसराः इत्यादिविषयेषु अपि चर्चा जाता।

Editor In Chief : Dr Dhimant Purohit